قصيدة الحراز (الشيخ الحاج بن قريشي) الملحون sixième et dernière partie

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية


بالعْزْم رسلتُه للدّار
قلت لُه سير من غير شوار
فرّش مكانك و عْمْل مونْة الفقيه ضريفة
وجّد ما يخصّك و عْمْل سبعة من الحجابات
عْلى قدّْ الفراش لا تستهزى
وانا منين لاقاني بيك الله
كل ما كان عليك صعيب راه يهوان
إلى تسخى من متاعك
و تسخّر لي بالقدام إلى بهجة فاس
جيب لي تيڭلضست و عود القماري
مسك و جاوي و ضهر فلفل
هادا ما خاصّْ في بخور الجدول
دْوى و قال لي يا سيدي
نمشي سريع ما نتعامى
محتوم كل ما قلتي نبادر به
إلى تزيد معايا حتّى لمرسمي
و تڭلس في قلب قبّْتي
و نعاود لك ما في نِيْتي
ياك تفاجي لي كربتي
زدت معاه
و نصيب واحد القبّة مفرشة
بالزرابي و قطوف على السرير
و مخايد و لحوف الحرير
توجد هاد الحرّاز كاين عايش عيشة
نحكي لهل الحضر
صيفطتُه العديم بالبتر
غيّب غيّب ليس ما ضهر
واترني مسكين صار من غداه
الوعد جلاه
غير هُوَ غيّب
و الرّيم جايّة تدّهكن
فتياب كامرة و حريشة
مخالط المشجّر و الململم و القماش
و فشايش فضّة و تازرة
و النُّواش على الكتاف
فرحة بحبيب القلب
جا لعندي وغنمنا ما كتاب
النضرة فوجوه الاحباب
ما خالطنا نقصان
هاكدا من يعشق
فيد البهى يكون غرامُه
الزّين ما عليه الصبرة
و العاشقين لا يلامو
الجود من ديور الكبرى
من لام فاش جاك ملامُه
العاشقين و بني عدرى
سمي شهير حرف زمامُه
سبعين سابقة يا حضرة
و تلاتين تمّ ختامُه
و الجاحدين
ما همّوني قوم النفاق
اهل الغتبات
لي صدر كوس طوات) 1)
كل داعي يدخل جواه فالمشلية
يا الحافض هاك بديع النضام
و حسن البيات
من فصيح المعنات
صول به و غنّي و اعنى بكل شجية
لا تبالي بالقوم الجاحدين
عضم الجيفات
فاش جاو العيفات
لا تكلني طبع الاشياخ خود وصية
الوصاية ما قتلت ما حيات
الايام زهات
بالهنى و الوصلات
لا تاخد خوف من الخلق راه بلِيََّة
كن يا حفاض مؤدّب فمحافل فرجات
و لا عليك فالمقات
كل من فيه الكِبْر ملاغيتُه مطفية
و سلامي لجميع الماهرين
لاهل القرّات
اللّي قراو السّْلْكات
كل ما طلعت الشمس و غابت الدهبية

(يا رواح تزور يا اللّي ناداك المنادي
سراج النّور سيدنا مولاي مُحَمَّدي)



1: لستُ واثقا من هذا البيت

قصيدة الحراز (الشيخ الحاج بن قريشي) الملحون cinquième partie

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

جيت لُه في صفة الفقيه
حافض الحدايت و التنبيه
حافض العشرين و سيدي خليل
نقراه سوار كنحقّقُه
نشرحُه تفسير
و الرسالة
ندريها كيف جات
و الخرشي كنحصيه
حرف و معاني
لََينِّي صاحب الشّطارة
علم التّنجيم
كنحقّقُه بجداول راسخين
و الضمياطي ربعين بيت بجداولها
كداك دعوة البسملة
و مشاكل الزّْناتي و قْريعْة الانبية
الهياكل بسبعة و زيد حصن الحصين
و دعوات السباسب و ابن الحاج الكبير
و ابن عَطَاءِ الله و الكلاعي و المُوّاق الشّْهِير
و الخْزْرَجِي مْعَ حْجاب الإِمام عْلي
علم الرّموز
نخدّْم سْبْع رياح
كلّ ريح على إتقان الحروف
عندي مجموعة فالحساب
مرصودة عن جمع الابواب
عيد الكاكيب
ونطلع الكنوز اللّي مرصودة
مع اللّي معقود بسحر التّتقاف
مهما تحضر لي ساعة الإيجابة
يفتح ربّي عليه
وإلا نتسبّب لُه
يصيب غرضُه
علم القضية
تنحقّقُه و نفاصل بين جوج
من فضل الله مواهب شجية
هادا صحّ الاخبار
يا راوي ديوان الاحبار
صيغ الفن و صيغ الاشعار
صيغ مواهب كنز الاسرار
و تأمّل كيف يصير
بين الفقيه و الحرّاز
يوم جيتُه بعزايم و بخور
ما فادوه معايا فجور
صبتُه جالس وحدُه
هميم ينبش فالأرض
كلمتُه دميمة
لمّا راني ناض يخضع و يطيح
دوَى و قال لي يا سيدي
انتَ حكيم ولّا والي
ولّا فيك سرّ الله مبيِّن
ما قريت النيَّة
عمري فحدّ
غير انتايا بعدا حين شفتك
نشرح قلبي و خاطري
و جوارح داتي معاك
نبغيك تحدّتني
بشين ودّك ربّي
و تفيدني تاخد حسنات
و الكرايم نادات
ساعة الخير مع التّيسير هادي هيَ
قلت لُه غرضي يا هادا
نفجّجك فالقصّات
من فتون الدّهات
كل ما سلتِي عليه تصيب دون خفِيَّة
قال لي يا الفقيه عندي
غْزِيّْلة من البنات
صالت على الخَوْضَات
بالبهى و الحسن المكمول و اللّزميَة
زوجتي ما هِيَ بنتي من خيار الزوجات
يا الطاّلب عزّات
بعد كانت طاعة
ولاّت كرهت فيَ
تاهت علِيََّ تيه كبير
يا الطَّالب و جفات
يامنة بو وشمات
زينها لو يقتل
العشيق ما لُه ديَّة
كان طوّعتيها لي يا فقيه
زين النّغمات
من اسرار الحكمات
كل ما تطلب فارضاها يهون علِيَّ

قصيدة الحراز (الشيخ الحاج بن قريشي) الملحون quatrième partie

جيت له تمتيل خواجة
قلت منُّه نقضي حاجة
بالطمع نغويه و نوريه
كل ما عندي من حجان
و تياب رفيعة توساق
و الدباج على كل اللوان
شاد حمولي و اصحابي ناديين فخلفي
حتّى وصلت عندُه
و انصيبُه ففم باب دارُه
عاقد عبسة تدوب جبال الهند
عليه سيمة الغول
اللّي شافُه يبات يحلم بِه
فغسق جا مهوّل حيّيتُه بالسّلام
ما جاوبني و بقيت غير فاهي
كلّمتُه من بعيد
جاوبني بالنّهضة
قال لي يا هادا
شن هي صنعتك
جاوبتُه يا راجح العقل
تعرف حال اللّي غريب
برّاني و متاعُه كتير
كنتسبّب فالبيع و الشرا
فاسواق الإسلام
لا تفرّط فيَّ
اربح أجري يا رابح
غرضي نبات عندك
و امتاعي ما نزلُه
إلّا في الأمان
باش يهنى قلبي
لينّي سمعت خبرك
قالو لي صاحب الفجر
و الضّيف تكرمُه
كل من جا عندك
هيهات ما يخيب
راجل ديِّن
صاحب الحسنات و الطبع الغريز
ما ترضى بالفعل الدّنيّ
ما ترضى بالفعل الدّنيّ
قلت انّزّل هاد الحمل عندك
و انطق هو و قال ليَ ما نشمات
لَو تجيب المِيَّات
لا طمّعني ما نقرى فحدّ النِّية
ما نّزّل لك أمانة و لا نقوّي شوهات
شافت العين و رات
جاد عنّي و اعطاني زين كل عطيّة
ما نخالط تجّار و لا سلوع
عمري هيهات
ياك العرب دوات
راه الخلطة تردل
و طريقها زغبية
و الطّمع ما يغويني طول
ما نعيش فالحياة
ياك قالو سادات
كل من هو طمّاع
مسيرتُه معمِيَّة
شين عندي في داري
ما تخلصو لي بزقات
من اموال الخزنات
بِه قلبي فرحان
و حاجتي مقضِيَّة

قصيدة الحراز (الشيخ الحاج بن قريشي) الملحون troisième partie

جيت له في صفة بهلول

بالهوى مجدوب و مخلول

بان لي سر الله و شفت بالنظر

نبين كشف الاسرار

جميع اللّي جاني بشي ضمير فقلبه

نكشف عن اسرارو و انحاكي لو عليه

الناس تقول أخاي فقير هذا

و يزورو من بعيد

وانا جدبان الحال

كلها يكرمني بمقدار نيته

حتى جيت لحوز ساحته

و نصيبه يا سيدنا محزم

معول للطام

مشمّر لميدان

ما عملت أنا في راسي اخبار

لمّا ڭبلت عليه

بالضمير ضربته

فالحين شاف فيَ

و اخزر فيَ

و قال ليَ

غرّوك و ضصروك

بعض الغشمة

و الله كن زدت لداري

حتّى نڭسمك يا هادا

و إلا نشاهدك فاشباري

تمّة تشوف خرق العادة

ما كانزور والا نُزار

تمّة تشوف خرق العادة

(عمري ما كسبت ادراري

عندي اروامة الشرّادة

هيَ السّاكنة فاصياري

وانا على سبيل العادة)

ما كانزور والا نُزار

والا نطيق بالكهّانة

والا نسكّن معايا جار

والا ندخّل الڭزّانة

من غير من الطّير إلا طار

و إلا حومت سيوانة

تروعوا سواكن الاصيار

و تعود حالتي غيضانة

هادي سنين شلّة تدكار

وانا مڭابل المزيانة

هيَ سنيدتي هيَ ربحي

غاية النصر

ما نحملش اللي يطوف

بالسّاحة

سير عليك يا البوهالي

يا ودّي ما فلتّي حتّى شفتك هاكدا

في هاد الحالة ضعيف

فاني منسوب على ابواب ربّي

وانا ظنّيت فيك كلتِ لحم النّسناس

كتضوّر من تخدع فالعباد

سير فحالك و الله ما تغمشني وانايا قديم

ما نامن لحد ولا نصادقو

و اجلاني و مشيت كنلوح الدّمعات

فوق خد الوجنات

في غراض اللّي نهواها ضيا عينيَّ

قلت أراسي كيف ندير

يا كتير النهرات

واش ليك من صولات

يا اللّي نار الزّين في دواخلك مكمِيَة

مال هاد الحرّاز جفى

لا رطاب بحيلات

ما تدخلو خلّات

ما يتيق بوالي حتمة و لا بولِيَّة

كل ما راودته هادا شحال

كم من مرّات

ساعتي ما وافات

باش يكمل رغبي فالباهية الحسبية

مال الحراز الدامي ما يتيق بي هيهات

غير حاضي الاوقات

في ثيابو مسلم وافعايلو رومية

قصيدة الحراز (الشيخ الحاج بن قريشي) الملحون deuxième partie

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

(جيت لو في صفة الغلام
نخدمو طاعة دون كلام) *2
قلت أسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك تخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل الوحيد
وانا نتسخر ليك فالمسايل البعاد مع القريب
عسى تعمل لي شي نصيب *2
الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السيئة
قلت لو خاف الله لا تكون
تجهل الاشيات
الاخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

قصيدة الحراز (الشيخ الحاج بن قريشي) الملحون

Je publie les deux premières pages de la célébrissime 9ssida "El Harraz". Je ne pouvais pas tout publier d'un coup parce que sinon ça aurait pris beaucoup trop de place. Je ne sais pas si tout est juste mais je suis preneur de toute rectification.

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

مال الحراز قضيب البال
ما يجاور عمرو جيران
عاس على القتلة مشمور
جامع اطرافو ما يندى
و إلا انظرت بحالو جلدة
وقت ما نجيه نصيبو عبوس
ألطيف ألطيف, واش نعمل واش المعمول
باش ناخد هاد المكروه
في غراض اللي نهواها
أش من حيلات يسرقوه
باش نظفر ببهاها شكيت
لاصحاب الحال والاهوال
عشقو مدلالة من تسال
دوب جسمي و انا نحيل
ما نقوى لاصحاب اللطام
و الهجرة ترجع بالسقام
و بعدها
يا ناس المحبة قلت أراسي
ما يلي إلا نتحزم عن عقارو
هادا خشبة من الخشب ما تچديها نار
رادي من عليم سود الشفار
وأنا عاشق صبار
طال تعبي و عييت نساعف الرديل البهات
و إلا رطاب بحيلات
عييت ما نتدمم محال يا من فيه

جيت لو في صفة باشا
من قنوت العظمات
بالعلوم ورايات
و الطبول تنتچر و الخيل و الرجلية
محلتي مشهورة خلفي بحزمة
بالساﭼات
جات المشهورة جات
و البياتة وجبت
ضاقت العشوية
حين قبلت عليه و شافني قصدت لمبات
قام هز الخطوات
ما بغى يلقاني ولا ليه حاجة بي
سار هارب لرسامو سار بالعزم لا تلفات
ينتفز بالخلفات
كل خطوة قامة فعبارها متنية

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية


قلت لاصحابي سيرو ليه
بالعزم دغية دورو بيه
وتقوه و جيبوه حتى يكون قدامي أمامي نزنچو
و نفرجكم فالمقيت
ادا جابوه و يوجبوه
قلتهم زيدو بيه بعد سليت السيف باش ندميه
نطق بموجب الشرع
قال أنا بالله و النبي
تعمل لي حق يا الباشا
ما أنا إلا نايبة
والسلطان الله ينصرو
و يدوم علينل سلامتو
و يعز الباشات و الخلايف
وقياد الحكام
شياخ قبايلنا
رعاية الملك العز الهمام
بهم يفخر منهم حالنا مسكين
و ﭽلين حامد الله على الهنا
في هبة الملك تعيش العباد
احنا طاعة لله
قلت لو لاش عليك أخايب الطبيعة
تهرب أصاحب الخديعة من ضيف الله
يا الباخس ياك أنا ليك جيت
قاصد ناخد مالك مع رقبتك
وجبت برات سيدنا مطبوعة
المير كلمتو مسموعة
والله ما يفيدك مني حتى هروب
قال أصاحب الأمير لا تكتر هضرة
هدا كلام مرجوع عليك
راك بالخزاين واصحاب عند كلمتك
العساسة حارسين
ادريو الغلات كاملين *2
أما داري حرام تدخلها لو نمشي فسبيب البغلات
لا تقوي لومات
لا تخوفني لا تقلي الحوت علي
ياك للدين وضيف الله الجوامع تبنات
فالمدن وقريات
هكدا سيرتنا احنا اهل البادية
ضيفنا ما يدخل للدار ما تقيسو عترات
فين ولاه يبات
فالربيع مع الصيف و ساعة الخرفية
والمسايد فايام البرد كاينة والغرفات
خود صحة الانعات
كان ردتي الحقيقة كون تصغى لي
عساك أالباشا قوم شلى عدات
كلمة المير كفات
لاش تطمع فالدار اللي محصنة محضية

'à suivre...'

قصيدة فاطمة (ادريس ابن علي المالكي) الملحون

Bonjour à Tous,
Je me suis dis en tombant sur le texte de la célèbre 9ssida Fatma que le mieux était de le faire partager au maximum de personnes qui aiment ce genre musical.
Je me suis rendu compte qu'il y a un coeur de texte immuable mais qu'il y avait quelques différences entre les différents chanteurs. J'ai essayé de regrouper les différentes versions dans une seule. N'hésitez pas à me faire vos remarques si vous trouvez qu'il y a des vers qui manquent.
Les vers qui sont en gras sont des vers que je n'avais jamais entendu chantés mais que j'ai trouvé dans une des version, je les ai donc laissés à l'appréciation des lecteurs.

Refrain :
ارحمي يا راحة لعقل ترحامي

من جفاك طال سقامي

كيف نبقى حاير وانت مسلية

روفي يا لغزال فاطمة

امولاتي والحب والهوى والعشق ونار الغرام

من حالت الصبا فعضايا قاموا

كل واحد دار مقامو فمهجتي وضحى بحسامو مع سهامو

يطعن ويزيد بالجراح عدامي....... في غراد هذ الدامي

غير ملكت عقلي بجمالها وغلقت عنوة باب المراحمة

(Refrain)

امولاتي ما كان هكذا ظني يا بنت الكرام

تعدبي بغير سباب غلامك....بعدما قبلت قدامك

بالقهر رعيت دمامك من غرامك

ضاعت بجفاك الطويل ايامي...يا غرايبي وهيامي

لاش عاقبتني بالظلم بعدما طعتك واتنيا الظالمة

(Refrain)

امولاتي شوفي بعين المحنة في هذ الغلام

افاطما انت بالحال سليمة وحالتي بجفاك سقيمة

كيف نبقى منسي ديما بلا جريمة

واش انت اليوم سمعك صامي .....جاوبي جواب كلامي

بغيتك تصفي ذاك القلب لاين انا عبدك وانت الحاكمة

(Refrain)

امولاتي افاطمة تبخليني حتى بالكلام

ما جا رسول ما قلتيلي كلمة ....واش ما في قلبك رحمة

يا لي صلتي بالحكمة وحبك ما...في وسط القلب زند نار غرامي

بردي الصهد الحامي....بالوصال والمصال لي فشفتك ديك العذبية الناسمة

(Refrain)

امولاتي امتى نشوف قدك يتمايس كعلام

منو الياس والريحان تعلم....الشعرغسيق مظلم

كغراب عليه مرصم وضيا عم

يلوح من الجبين نوره السامي...به كيزول غتامي

والحجواجب نونين معرقين والشفار من غير مدام نايمة

(Refrain)

امولاتي عينيك زوج كيسان من عتيق المدام

من ذاق منهوم شي يصبح هايم ...والعطر فالخد الناعم

ورد عكري تحت صوارم فاح ناسم

والمعطس طير طار به منامي...بين الورود نسامي

والسنان اصفى من حب الغمام...والجيد غزال خشى من الرما

(Refrain)

امولاتي وانا دخيل جيد ك جودي لي بالمرام

روض الرضا يفوح علي بنسيم...ساعة نرا وجهك الوسيم

افاطما قبلي عبد خديم قالت الريم

قبلتك طول الحياة غلامي

لا تظن تبقى ظامي جق نهدي حتى نهدي كيوس فحضرتك تطفي حرقة الظما

(Refrain)

امولاتي خدي نفرشو بالشوق لدوك القدام

ونقولك افاطمة زطمي ....يا لي داوتي جسمي

امري بالعز وحكمي ولا تحشمي

ونشوفك يا الباهية قدامي ..الرقيب بصرو عامي

والحسود فغفلة وانا معاك تحت خيام الليل لمخيمة

جات الميلاف راية الهشامي ....ناوية تزور رصامي

تلحفت بثياب رفيعة وجات تتمايل كلياسة الناعمة

منين نظرت زينها بنيامي ...قلت من صميم غرامي

كان هذي يقظة ولا منام عهدي بالشمس قبيل فالسما

الساعة لاح نورها فرصامي ...كصورة الادامي

والخليلة تضحك حتى تطيح وتقول انا لغزال فاطمة

نشرت براية السرور علامي...المغيونة فامامي

ناشدة لي بالشعر على العطوف ...و عل الذرعين بزوج واشمة

شكيت لها بلعتي وهيامي...هيبتي فجل مقامي

قلت لها حالي وسلمت ليلتيهي بلي كان عالمة

سال بريق الرحيق يا لوامي والنوامس والخوامي

غير حزت وقبلت ولا فعلت ما تصبح النفس به نادمة

هاك راوي رقايقي ونظامي ...فيق الحرير الشامي

هاك فن قليل مثيلو فجيلنا فاق بالبلاغة التامة

وعلى ناس الجحود كن معامي لاتفيدهم بكلامي

والسلام على ناس العلم و الرذال الجهال بقات هايمة

والاهل التسليم تنهيب سلامي واسمي فطرز ختامي

قول قال ادريس بن علي المالكي سلبتني الغزال فاطمة

(Refrain)